Vinamót 2016 í Þorlákshöfn

Höfundur

6.flokkur KR í Knattspyrnu

Þjálfarar 6.flokks KR 2015-2016 ........................................................................................................................................................... Atli Jónasson s:787-8226
Daði Már Steinsson s:770-5810
Margeir Ingólfsson s:695-0143
Netfang 6.flokks: postur6.flokkskr@gmail.com

Nýjustu færslur

Maí 2024

S	M	Þ	M	F	F	L
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Fyrri

Næsti

12.4.2016 | 11:41

Sæl öll,

Skráning hér fyrir neðan YNGRA ÁR eingöngu.

Vonandi skemmtu allir sér vel í Hafnarfirði um helgina. Skemmtilegt mót og stóðu strákarnir allir sig með mikilli prýði.

En þá er komið að því stærsta verkefni yngra ársins á þessu ári og er nú komið að því að hefja skráningu á Vinamótið 2016 fyrir þá sem eru á yngra ári í 6. flokk. Eins og fram kom á foreldrafundi sem haldinn var sl. haust fer yngra árið þ.e. 2007 árgangurinn á vinamót sem haldið er í Þorlákshöfn.

Mótið er haldið helgina 27.-29. maí nk. og eru foreldrar því beðnir um að taka þann tíma frá.

Mótið verður haldið í Þorlákshöfn 27.-29. maí, föstudagur til sunnudags. Að þessu sinni verða það Fylkir, FH, KR og Víkingur sem senda lið á mótið. Reiknað er með að hvert lið sendi rúmlega 30 stráka þannig að þarna verða um 130 keppendur ásamt aðstandendum og má búast við miklu fjöri.

Fyrirkomulagið verður með svipuðu sniði og undanfarin ár en fyrir þá sem ekki þekkja til Vinamótsins þá er á föstudeginum öllum strákunum skipt saman í lið, þannig að hvert lið innihaldi bæði Fylkismenn, FH-inga, KR-inga og Víkinga. Liðin eru svo nefnd eftir landsliðum. Þessi lið (vinalið) keppa svo saman í knattþrautum á föstudeginum og svo á Evrópumóti á laugardeginum. Að loknum laugardeginum hafa strákarnir eignast nýja vini úr hinum liðunum sem þeir munu hitta aftur og aftur á komandi mótum. Á sunnudeginum keppa svo strákarnir með sínu félagi gegn vinum sínum í FH, Fylki, Víkingi.

Strákarnir gista í tvær nætur í grunnskólanum í Þorlákshöfn ásamt fararstjórum úr hópi foreldra.

Heildarþátttökugjald er 15.000 kr. Innifalið í verði fyrir þátttakendur eru 4 heitar máltíðir, 1 á föstudag, 2 á laugardag og 1 á sunnudag. Einnig morgunmatur laugardag og sunnudag. Aðstandendum mun einnig standa til boða að kaupa sér máltíðir á viðráðanlegu verði.

Á laugardagskvöld verður kvöldvaka í íþróttahöllinni. Frítt verður í sund alla helgina fyrir 16 ára og yngri. Ægismenn munu verða með veitingasölu og sjoppur á mótssvæðinu. Tjaldstæði í Þorlákshöfn verða opin fyrir aðstandendur.

Við munum svo þegar nær dregur birta ítarlegri upplýsingar og dagskrá og halda upplýsingafund.

Við viljum biðja foreldra að skrá strákana til þátttöku eigi síðar en 20. apríl nk. á bloggsíðunni og jafnframt greiða 5000 kr. staðfestingargjald inn á reikning nr. 311- 13- 456 kt. 270378-5529 (eigandi Egill Þorvarðarson) og muna að setja nafn drengs í skýringu og senda kvittuna á netfang flokksins 6.flokkskr@gmail.com .Þeir sem tóku þátt í dósasöfnun í byrjun mars geta nýtt þann pening sem greiðslu fyrir staðfestingargjald og sleppa því með 500 kr. greiðslu nú ;)

kv. Valþór og Hrefna

Flokkur: Bloggar | Facebook