Keflavíkurmótið - Liðsskipan og tímasetningar.

Góða kvöldið kæru foreldrar.

Þá erum við búnir að fá sendar upplýsingar frá Keflavík um mótið á laugardaginn. Mótið fer fram í Reykjaneshöllinni. Mótið er sett upp í 3 holl sem spila á mismunandi tíma yfir daginn. Mótið er sett upp í 6 deildir, tvær deildir í hverju holli. Þátttökugjaldið á mótið er 2000 krónur sem greiðist á staðnum. Við óskum eftir því að eitt foreldri í hverju liði safni saman gjaldinu og komi því til mótsstjórnar sem er staðsett í andyri Reykjaneshallarinnar. 

Þýska og spænska deildin spilar frá 9:00 - 12:15. Mæting ekki seinna en 8:30 í Reykjaneshöllina.

Þeir sem spila í Þýsku deildinni eru :

Lúkas Emil, Ísak, Jón Kristján, Ísak Örn, Sölvi Sturluson, Kristófer Thomasson, Bergþór Leví, Hilmir, Ían, Jakob

Þeir sem spila í Spænsku deildinni eru :

Benedikt Pantano, Daníel Örn, Orri Kárason, Almar Orri, Dagur, Sturla, Kristófer Ingi, Siddi og Sebastían.

Íslenska og Meistaradeildin spilar frá 12:20 - 15:40. Mæting ekki seinna en 11:50 í Reykjaneshöllina.

Þeir sem spila í Meistaradeildinni eru : Tvo KR lið, annað heitir KR og hitt KR City.

KR : Gzim, Jóhann Kumara, Konráð, Gunnar Sigurjón, Óskar Runólfs, Benedikt Snær, Jón Arnór, Einar Geir og Guðmundur Berg.

KR City : Sólon, Axel, Jóhannes, Patrik Thor, Mummi, Snorri, Óttar Páll, Benedikt Aron og Kári Björn 
 

Þeir sem spila í Íslensku deildinni eru : 

Símón Patrick, Hallgrímur Árni, Ólafur Geir, Arnar Þorri, Gísli Þór, Arnar A, Einar Björn, Björn Henry og Tómas Arnar 

Enska og Franska deildin spilar frá 15:40 - 18:15. Mæting ekki seinna en 15:10 í Reyjaneshöllina.

Þeir sem spila í Frönsku deildinni eru :

Arnar Hrafn, Steinar, Viktor, Ólafur Jökull, Atlas, Baddi, Hrafnkell Goði og Pétur Reidar

Þeir sem spila í Ensku deildinni eru : 

Bjarki,Úlfur, Bjartur Þór, Birgir Steinn, Freyr, Styrmir, Jóhannes Kristinn og Jökull Tjörvason 

Við hlökkum til að sjá ykkur á laugardaginn.

Með KR kveðju, Haukur Már og Óskar Már.

Sameiginleg æfing hjá yngra og eldraárinu á mánudaginn 21.okt kl 15:-16:00 og skráningarfrestur fyrir Keflavíkurmótið rennur út á miðnætti þann 22.október.

Sælir kæru foreldrar

Það verður sameiginleg æfing hjá yngra og eldraárinu ( 2004 -2005 )
á mánudaginn 21.okt, æfingin verður kl 15:00 - 16:00 hjá
báðum árum ( 2004-2005 ).

Skráningafrestur fyrir Keflavíkurmótið rennur
út á miðnætti þann 22.október ( þriðjudagur ).

Kveðja Haukur og Óskar

Breiðablikmótinu lokið - Næsta verkefni er Keflavíkurmótið

Góðan daginn kæru foreldrar.

Eins og þið sjáið hefur bloggið okkar fengið nýtt útlit og á hún Rósa allan heiður af því og þökkum við henni kærlega fyrir það. Ljótt útlit síðunnar sem var, orðið glæsilegt.

Breiðabliksmótið gekk að öllu leyti vel. Strákarnir spiluðu fullt af leikjum og fengu að ég held helling útúr þessu móti. Mótin þetta tímabilið verða í bland, spilað bæði 5 á móti 5 og 7 á móti 7. Kosturinn við 5 á 5 er sá að drengirnir fá meira boltann, minni völlur, fleiri skot, fleiri sendingar og fleiri móttökur á boltann. Strákarnir stóðu sig með mikilli prýði, voru heiðarlegir, duglegir og kurteisir við bæði meðspilara sem og mótherja. Við viljum þakka öllum þeim foreldrum sem mættu og studdu sína drengi, tóku að sér liðstjórn og tóku við mótsgjaldi. Þegar allir vinna saman á svona mótum verður allt mun auðveldara í framkvæmd, bæði hjá strákunum og hjá þeim sem koma að liðunum, þjálfurum og foreldrum.

Næsta verkefni sem við munum taka þátt í er Keflavíkurmótið sem haldið verður í Reykjaneshöllinni laugardaginn 26. október. Þar verður hvert lið á mótstað í um tvo klukkutíma og spila á mismunandi tímum yfir daginn. Þar munum við spila í 7 á móti 7 liðum. Þátttökugjaldið á mótið eru 2000 krónur. Innifalið í því verði er auk leikjanna fimm, pizzuveisla í mótslok sem og verðlaunapeningur. Skráning á mótið fer fram bæði hér á blogginu og einnig á netfangi flokksins sem er [e-mail]. Við munum svo á næstunni stofna nýtt netfang fyrir 6. flokkinn.

Með KR kveðju, Haukur Már og Óskar Már. 

Mót í Fífunni þann 12.október. Skráningafrestur lýkur í dag þann 10.október.

Sælir kæru foreldrar

Laugardaginn 12. október ætlum við að fara á mót í Fífunni. Breiðablik var að bjóða okkur í heimsókn og spila 5 á 5 mót á litlum völlum. Fáir saman í liði, hver leikmaður fær boltann oftar og á fleiri skot á mark.Eldra árs strákarnir spila frá klukkan 12 – 14:30 og yngra árs strákarnir spila frá 14:30 – 17. Auk Breiðabliks og KR mun Fylkir og mögulega Víkingur taka þátt. Þátttökugjald á mótið er 500 krónur.Skráning á mótið hjá Breiðablik er á netfangið [e-mail] eða á bloggsíðu flokksins 6-flokkurkr.blog.is. Skráningarfrestur er til fimmtudagsins 10. október.

Kveðja Haukkur og Óskar

Októbermánuður - Foreldrafundur og mót.

Góða kvöldið kæru foreldrar.

Núna er boltinn farinn að rúlla á fullu og nýtt tímabil komið af stað. Strákarnir orðnir árinu eldri og stíga skref upp á við í flokkunum. Við þjálfararnir erum ánægðir með hversu vel drengirnir hafa mætt á æfingar og hafa verið um og yfir 30 strákar á æfingu á hvoru ári. Við höfum verið að leggja áherslu á að mæta tímanlega á æfingar svo allir fái sem mest út úr hverri æfingu. Eins höfum við verið að leggja áherslu á að strákarnir spili vel saman sem lið og reyni sitt besta í að vera jákvæðir og hvetjandi í garð allra. Við viljum biðja ykkur um að hjálpa okkur í að minna drenginna á þessa mikilvægu punkta svo þjálfunin verði sem markvissust og öllum líði vel á æfingunum hjá okkur, við erum jú öll í KR og stefnum öll á að gera okkar besta, þjálfarar, leikmenn og foreldrar, ef við erum öll samstíga þá munum við ná þeim árangri og öllum líður vel.

Í október er nóg að gera hjá okkur í 6. flokknum. Við ætlum að halda foreldrafund í félagsheimilinu út í KR, miðvikudaginn 9. október klukkan 20:00. Á fundinum munum við fara yfir skipulag tímabilsins, fara yfir þau mót sem standa til boða og hugmyndir af fjáröflunum. Eins ef einhverjir foreldrar eru tilbúnir að hjálpa til t.d. í foreldrarráði eða við fjáraflanir mega þeir gefa sig fram á fundinum.

Laugardaginn 12. október ætlum við að fara á mót í Fífunni. Breiðablik var að bjóða okkur í heimsókn og spila 5 á 5 mót á litlum völlum. Fáir saman í liði, hver leikmaður fær boltann oftar og á fleiri skot á mark. Eldra árs strákarnir spila frá klukkan 12 – 14:30 og yngra árs strákarnir spila frá 14:30 – 17. Auk Breiðabliks og KR mun Fylkir og mögulega Víkingur taka þátt. Þátttökugjald á mótið er 500 krónur. Skráning á mótið hjá Breiðablik er á netfangið [e-mail] eða á bloggsíðu flokksins 6-flokkurkr.blog.is. Skráningarfrestur er til fimmtudagsins 10. október.

26. október ætlum við svo að fara á Keflavíkurmótið í Reykjaneshöllinni. Þetta mót hefur verið mjög vinsælt og mjög vel heppnað hjá þeim í Keflavík. Hvert lið á mótsstað í um tvo tíma og tímasetningar standast. Við munum fara með bæði árin á það mót. Skráning á það mót verður auglýst síðar.

Markmannsæfingar verða hjá Valþóri á föstudögum klukkan 16.

Kveðja Haukur Már og Óskar Már.