SKRÁNING Á Shellmótið eldra árið fæddir 2004

SKRÁNING Á
Shellmótið
eldra árið
fæddir 2004

Ágætu foreldrar og forráðamenn.

Nú er loksins komið að Shellmótinu, einu af stærstu mótum yngri flokkanna, en það verður haldið í Vestmannaeyjum dagana 25. - 29. júní n.k., þ.e. frá miðvikudegi til laugardagskvölds. Til Eyja fara þeir sem fæddir eru á árinu 2004.

Fyrirkomulagið er þannig að drengirnir fara með rútu frá KR heimilinu miðvikudaginn 25. júní í Landeyjahöfn og þaðan eru þeir ferjaðir með Herjólfi til Eyja. Heimferð er ekki sameiginleg, þ.e. hver og einn sér um að koma sínum dreng heim. Spilað er fimmtudag, föstudag og laugardag og heimferð á laugardagskvöldi/sunnudagsmorgni. Foreldrar og forráðamenn sjá um að panta far og gistingu fyrir sig.

Mikilvægt er að fá nákvæma skráningu og eru foreldrar beðnir að skrá sína drengi sem fyrst.

Skráið þá við þessa færslu eða á netfangið [e-mail]

Fyrirhugað er að hafa foreldrafund og fara nánar yfir málin og verður hann haldinn fljótlega eftir Goðamótið.

Skráning á mótið er til 7. mars n.k.og greiða þarf staðfestingargjald, kr. 10.000.- fyrir þann tíma. Endanlegt upphæð mótsgjald er ekki komin, en verður í kringum 25.000 krónur.

Leggið inn á reikning 137-05-71996, kt. 151169-6009. Munið að setja nafn drengs í skýringu og senda staðfestingu á netfangið [e-mail].

Til frekari glöggvunar bendum við á heimasíðu Shellmótsins, www.shellmot.is.

Með von um góða þátttöku.
Foreldrafélagið og þjálfarar

Heimsók á æfingu í gær - Næstu vikur

Góðann daginn kæru foreldrar og leikmenn.

Við fengum góða heimsókn á æfingunna okkar í gær þegar tveir leikmenn meistaraflokks karla komu og aðstoðuðu okkur. Leikmennirnir sem mættu til okkar í gær voru Aron Bjarki og Atli Sigurjóns. Aron Bjarki var með 1 á móti einu stöð, Aron Bjarki er varnarmaður meistaraflokks svo það var kjörið tækifæri að fá hann til að kenna strákunum varnarstöðu og hvað sé mikilvægt að hafa í huga þegar leikmenn eru að verjast. Atli Sigurjóns var með tækni stöð þar sem hann var að kenna strákunum ýmis afbrigði af knattraki. Strákarnir höfðu mjög gaman af þessari heimsókn og voru duglegir að hlusta á það sem meistaraflokks leikmennirnir höfðu að segja.

Næsta æfing er sem fyrr á föstudaginn á hefðbundnum tíma.

Í næstu viku er vetrarfrí í öllum grunnskólum í Reykjavík og því ætlum við að gefa frí á æfingu á föstudaginn 21. febrúar.

Með KR - kveðju, Haukur Már og Óskar Már.